Казанда, Бәшир Рәмиев исемендәге IT-паркта, 10-11 июнь көннәрендә мәгариф министрларының «Формируя будущее» дигән икенче халыкара форумы узачак. Анда илебезнең мәгариф системасы казанышлары тәкъдим ителәчәк.

«Узган ел без беренче тапкыр мәгариф министрларының «Киләчәкне формалаштыру» дигән халыкара форумын үткәрдек. Анда дөньяның 40 иленнән, дустанә дәүләтләрнең Мәгариф министрлыкларыннан 18 вәкил катнашты. Чара бик уңышлы узды һәм чит ил коллегаларыбыз югары бәя бирде. Без үз тәҗрибәбез һәм белем бирү технологияләре белән уртаклашырга, телебезгә һәм мәдәниятебезгә халыкара кызыксынуны арттырырга әзер», – диде РФ мәгариф министры Сергей Кравцов.

Аның сүзләренчә, 2024 елда кунаклар саны узган ел күрсәткечләреннән артып китәчәк – хәзерге вакытта дустанә илләрдән 20 мәгариф министры катнашачагын раслаган.

Форумда йөздән артык чит ил кунагы катнашыр дип планлаштырыла, алар арасында Кытай, Белоруссия, Иран, Һиндстан, Бразилия, Мексика, Кыргызстан һәм башка илләрдән министрларлар бар.

Форумда Россия мәгариф системасының уңышлары, уку процессын оештыру тәҗрибәсе, Россиянең эре мәгариф оешмалары һәм югары уку йортлары практикалары тәкъдим ителәчәк.

Чараны Россия Мәгариф министрлыгы, ТР Хөкүмәте һәм гуманитар фәннәргә ярдәм итә торган «Минем тарихым» фонды оештыра.