Бүген Татарстан Республикасының Министлар Кабинетында республика Икътисад министры урынбасары, Татарстан Республикасы Министрлар Кабинеты каршындагы Икътисади һәм ижтимагый тикшеренүләр үзәге директоры Алевтина Кудрявцева катнашында брифинг узды. Сүз Татарстан Хакимиятенең мәгариф өлкәсендәге яңа планнары турында барды. Министр урынбасары сүзләренә караганда, югары уку йортларын тәмамлаучыларның конкурентлыгын арттыру, гуманитар һәм техник белемлеләр арасында асимметрияне бетерү максатыннан, махсус программа булдырылачак. Ул нидән гыйбарәт? Бакалавр дәрәҗәсендә кыскартылган программа буенча өстәмә югары белем алу мөмкинлеге тудырылачак. Ягъни, мәсәлән, гуманитар факультет тәмамлаган студентлар кыска вакыт аралыгында өстәмә техник белем, ә икенчеләре, үз чиратында, гуманитар белгечлек алырга мөмкин.

“Әлеге чаралар күпмедер дәрәҗәдә хезмәт базарына ясалган басымны киметергә ярдәм итәчәк”, - дип ассызыклады Алевтина Кудрявцева. Аның сүзләре буенча, мәктәп укучыларын Бердәм дәүләт имтиханына әзерләү программасы да эшләнелә. Мондый төр укыту уку йортлары каршында да, дистанцион юл белән башкарылачак.

“Татар-информ” материаллары буенча тәрҗемә