27 апрель көнне «Шәрык клубы» интерактив мультимедиа комплексында «Мәңгелек шигърият» дип исемләнгән Габдулла Тукай шигырьләрен сәнгатьле укучылар бәйгесенең финалистларын бүләкләү тантанасы үткәрелде. Җиңүчеләргә истәлекле бүләкләрне Г.Камал театры артисты Шәкүрова Айгөл Эльвард кызы, Балалар һәм яшүсмерләр өчен «Белем радиосы» проекты җитәкчесе Гатауллин Раил Мәүлет улы, «Шәрык клубы» җитәкчесе Зиннәтова Гөлдания Газинур кызы тапшырды.

«Белем радиосы», мәгълүмати партнер гына булып калмады, җиңүчеләргә үз бүләкләрен дә тапшырды. Шулай ук, бәйгедә җиңгән һәр укучы үзе башкаруында шигырьләрне яздырырга Белем радиосы студиясенә (Каюм Насыйри урамы, 25, офис 312) чакырылды. Алар башкаруында укылган шигырьләрне ел дәвамында Белем радиосы эфирында ишетеп булачак.

Җиңүчеләрне чын күңелдән котлыйбыз һәм радиобыз студиясендә көтеп калабыз!

ҖИҢҮЧЕЛӘР ИСЕМЛЕГЕ: https://radio.belem.ru/#/news/48