Бу көннәрдә «Илһамият– Вдохновение» IX Халыкара конкурс-фестивале старт алды. 

Бәйгенең максаты - талантлы балаларны һәм яшүсмерләрне барлау, татар теле һәм Идел буе төбәгендә яшәгән халыкларның телләрен популярлаштыру, милли мәдәниятне һәм гореф-гадәтләрне пропагандалау.

Бәйгене оештыруның беренче көннәреннән алып Татнетны үстерү фонды әлеге бәйгене танытуда һәм үстерүдә ярдәм итә.

Бәйгедә мәктәпкәчә яшьтәге, мәктәп яшендәге балалар, вуз һәм ССУЗларда укучылар, шулай ук профессионаллар катнаша ала. Тулырак мәгълүматны әлеге яңалыкка беркетелгән Нигезләмәдән алырга мөмкин.

Мәгълүмат шулай ук бәйгенең рәсми сайтында https://ilhamiyat.tilda.ws адресы буенча бирелгән.