Төмән өлкәсенең Тобольск шәһәрендә «И туган тел, и матур тел» ХХIХ сәнгатьле укучылар ачык шәһәр бәйгесе узачак. 1992 елның ноябрендә ЮНЕСКО Генераль конференциясе тарафыннан игълан ителгән Халыкара туган тел көненә багышланган конкурс Төмән өлкәсендә1992 елдан бирле үткәрелә. Бу турыда Тобольск шәһәренең Себер татарлары мәдәният үзәгенә сылтама белән Бөтендөнья татар конгрессы хәбәр итә.

Бәйгегә гаризалар 2024 елның 10 гыйнварыннан 14 февральгә кадәр кабул ителә. 17 февральдә конкурс программасы үткәреләчәк һәм бәйгегә нәтиҗәләр ясалачак. Ел саен оештырыла торган конкурста талантлы балалар һәм олылар ачыклана. Барлык катнашучылар да үз сәләтләрен һәм креативлыгын күрсәтә. Репертуарда Себер татар шагыйрьләренең шигырьләре бик күп.