Быел конкурс милли мәдәниятләр һәм традицияләр елына багышлана. Конкурсның темасы: “Гасырлар аша...”.

Конкурсның жюри әгъзалары - Татарстан Республикасының күренекле театр өлкәсе эшлеклеләре. Жюри рәисе - РФ һәм ТРның Атказанган сәнгать эшлеклесе, Г. Камал исемендәге Татар дәүләт академия театрының баш режиссеры — Фәрит Бикчәнтәев.

Конкурста Россия Федерациясе урта гомуми белем бирү мәктәпләренең һәм гимназияләренең 1-11 сыйныф укучылары, һөнәри уку йортлары студентлары катнашты.

“Белем радиосы"ның тапшыру алып баручысы Әнвәр Мөхетдинов да катнашты һәм 1нче урынга лаек булды. Әнвәрне әлеге уңышы белән чын күңелдән котлыйбыз! Киләчәктә тагын да биек үрләр яуларга язсын!