21 февраль көнне 18.00 Ленин исемендәге мәдәният йортында иҗат иткән «Апуш» татар балалар театр студиясе тәүге спектаклен тәкъдим итә. Тамашачыларга драматург, «Әкият» Татар Дәүләт курчак театрының сәнгать җитәкчесе, Татарстанның атказанган сәнгать эшлеклесе Илгиз Зәйниев әсәре буенча «Кечтүк» спектакле күрсәтеләчәк. Бу чара 21 февраль – Халыкара туган тел көненә махсус билгеләнгән.

Акылның көче, кыюлыкның ярты бәхет булуы һәм бер-береңә ярдәм итү турындагы әлеге тарих «Апуш» театр студиясенең яңа тамашасы нигезенә ятты. Заманча музыка һәм хореографиягә корылган спектакль кечкенә һәм өлкән яшьтәге тамашачылар өчен.