Татарстанда яшьләр өчен грант конкурсына гаризалар кабул итү башланды. Катнашучылар социаль проектны гамәлгә ашыруга 300 мең сумга кадәр акча ала алачак.

Гаризалар 14 номинация буенча кабул ителә, шул исәптән «Яшьләр медиасы», «Социаль эшмәкәрлек», «Фәнни инициативалар», «Гаилә кыйммәтләрен ныгыту», «Карьера һәм профессиональ үзләштерү» һәм башкалар. Тулы исемлекне сылтама буенча күрергә мөмкин, дип хәбәр итә ТР Яшьләр министрлыгы.

Конкурста 18-35 яшьлек Татарстан халкы катнаша ала. Проектлар «Минем субсидияләр» платформасында 2 нче мартка кадәр кабул ителә. Бер ай дәвамында экспертлар инициативаларны караячак, шуннан соң җиңүчеләрне игълан итәчәкләр. Конкурсның гомуми приз фонды 7 млн сум тәшкил итә. Өстәмә мәгълүмат министрлык сайтында урнаштырылган.