Казанның «Ракета» физкультура-спорт берләшмәсе шәкертләре «Малахит шкатулка» спорт аэробикасы буенча бөтенроссия ярышларында призлы урыннар яуладылар. 500 дән артык спортчыны берләштергән ярышлар Екатеринбургта уза.

«Парлды» дисциплинасында алтын медальләрне Матвей Лукашин һәм София Загорец алды. «Гимнастика платформасы» дисциплинасында алтын медальне Матвей Лукашин, Даша Максимова, Эльвина Гәрәева, Сөмбел Канипова, Ләйсән Фәхретдинова, Кира Геркина, Амалия Фәритова һәм Дарина Мостафина яулады. 

«Индивидуаль чыгышлар» дисциплинасында алтын медальне – София Загорец, бронзаны Дарина Хворова алды. 

«Ракета» физкультура-спорт берләшмәсе матбугат хезмәте хәбәр иткәнчә, ярышларда илнең 11 төбәгеннән, шул исәптән Мәскәү, Новосибирск, Омск, Оренбург, Свердловск, Ульяновск һәм Чиләбе өлкәләреннән спортчылар катнаша.