«Татмедиа» акционерлык җәмгыяте генераль директоры Шамил Садыйков һәм бер төркем татар журналистлары Санкт-Петербургта шагыйрә Анна Ахматова исемендәге музейны караганнан соң музейга Татарстан Республикасы Фәннәр Академиясенең Галимҗан Ибраһимов исемендәге Тел, әдәбият һәм сәнгать институты чыгарган Габдулла Тукай энциклопедиясен бүләк иттеләр. Энциклопедиядә Анна Ахматовага багышланган мәкалә дә урын алган. 

Билгеле бу Петербургта Ахматова белән бәйле бердәнбер урын түгел. Әлеге музей 1989 елдан бирле эшләп килә. Экспозиция тамаша кылучыларны XX гасыр урталары белән тоташтыра. Тарихи фотолар, кулъязмалар, Анна Ахматова яшәгән бүлмәнең интерьеры — барысын да кызыксынып карыйсың. Анна Андреевнаның шәхси әйберләреннән Пунин бүләк иткән япон вееры, үзе «мифка» дип йөрткән кечкенә сумкасы, түгәрәк шкатулка, пыяла пудр савыты һ.б күрергә була. Моңа Н.Пунин белән А.Ахматованың мәхәббәт тарихы да өстәлә. 1938 елны Пунин белән араны өзгәннән соң да башка барыр җире булмаган Ахматова балалар бүлмәсенә күченеп, шушы фатирда яшәп кала.