Татар акчасы музее җитәкчесе, мөһәндис Артур Галимҗанов 2023 елны балалар өчен чыгарылган «Алтын Урда хәзинәсе» исемле буягыч белән башларга тәкъдим итә. Буягыч, ягъни раскраска китабы, Алтын Урда тәңкәләре белән таныштыра. Татар нумизматикасы үрнәкләре белән танышып һәм рәсемнәр ясап, укучы җиңел һәм мавыктыргыч форматта милли тарихны өйрәнә ала. Мәктәп укытучылары өчен дә бу буягыч бик файдалы булыр — аның белән бик кызыклы дәресләр үткәреп була.

Китапны тәкъдим итү кичәсендә автор Артур Галимҗанов татар тәңкәләре турында гаять эчтәлекле лекция укыячак. Ә чарага килгән балаларны исә Татар китабы йортыннан «Вакыт буйлап сәяхәт» экскурсиясе дә көтә.

Тәкъдим итү кичәсе 14 гыйнвар көнне 11:00 сәгатьтә узачак. Катнашу түләүсез, балалар өчен экскурсия — 100 сум/кеше. 

Тулырак мәгълүмат Татар китабы йортының Телеграм каналында: https://t.me/tatarkitabi