Шәриф Камалның әдәби мирасын популярлаштыру, прозаның кече жанрында (хикәя, новелла, кечкенә повесть) иҗат итүче талантлы яшь авторларны барлау, әлеге жанрны үстерү, яшь авторларның әдәби эшчәнлеген стимуллаштыру, әдәби процесска киң җәмәгатьчелекне җәлеп итү максатында, яшь язучылар өчен «Проза» һәм «Әдәби тәрҗемә» номинацияләрендә Шәриф Камал исемендәге Әдәби премия булдырылган. Бүгенге көндә Шәриф Камал премиясе бәйгесенә эшләр кабул итү дәвам итә: http://yort.tatar/award

Шәриф Камал премиясенең үзенчәлеге - аның Остазлар мәктәбе. Ел саен хөрмәтле остазлар әдәбият, проза жанры һәм әдәби тәрҗемә турында дәресләр бирә. Кайберләренең видеоязмалары белән ел әйләнәсе танышып була. Гыйнвар аенда чираттагы Остазлар мәктәбенең дәресләре башланачак. Тиздән программасы да тәкъдим ителәчәк.

Яңалыкларны ВКонтакте социаль челтәрендә күзәтеп барыгыз: https://vk.com/tatbookhouse