2021/22 уку елында бакалавриат, специалитет, СПО һәм магистратура программалары буенча белем алучы студентлар арасында РФ Президенты грантын алуга дәгъвачыларның исемлекләре чыкты. Алар белән рәсми сайтта танышып була.

Татарстан Мәгариф һәм фән министрлыгы хәбәр иткәнчә, беренче исемлеккә дәгъвачылар санына 850 укучы керде. Балаларның күбесенең берьюлы берничә ярышта уңышы бар.

РФ Президенты грантлары — мәктәптә укыганда ук фән, сәнгать һәм спортта күренекле нәтиҗәләр күрсәткән студентларга ярдәм өчен дәүләт программасы. Айлык түләү 20 000 сум тәшкил итә, диелә «Олимпиада.ру» сайтында.