Татар мәгарифе порталы
Сез монда
В.И Ульянов–Ленин исемендәге Казан дәүләт университеты гомуми урта белем бирү уку йортларының 11нче сыйныф укучыларын һәм урта һөнәри белем бирү оешмалары студентларын ачык төбәк предмет олимпиадасының интернет турына чакыра. Республикабыз укучыларыннан кала, биредә Россия регионнарыннан һәм БДБ илләреннән дә катнаша ала. Ул агымдагы елның 4–6нчы декабрендә узачак. 7нче декабрь резерв көн санала.
Чыгарылыш сыйныф укучыларына 9 предмет тәкъдим ителә: математика, физика, рус теле, җәмгыять белеме, Россия тарихы, биология, инглиз теле, татар теле, татар әдәбияты. Бер укучы берьюлы берничә предметтан сынау уза ала, чикләүләр каралмаган. Бер яисә берничә дисциплинадан интернет–турны уңышлы узган укучылар киләсе елның февраль–март аенда Казан дәүләт университетында узачак йомгаклау турына шәхси юллама алачак.
Нәтиҗәләргә килгәндә, алар бу елның 8нче декабреннән дә соңга калмыйча, http://www.ksu.ru сайтында урнаштырылачак. Олимпиада, аның нинди предметтан булуына бәйсез, 45 минут дәвам итә. Үткәрү вакыты барлык теркәлгән укучылар өчен дә бер үк билгеләнгән вакытта, график буенча башлана. Игътибар! Интернет–олимпиадага бары теркәү узган укучылар гына “кертелә”! Катнашу турында гаризаларны мәгариф оешмасы исеменнән дә, аерым укучы исеменнән дә җибәрү мөмкин.
Олимпиада җиңүчеләре Казан дәүләт университетына укырга кергәндә ташламаларга ия була.
Шулай ук http://www.ksu.ru/cdo/index.php?id=4 сылтамасы буйлап алдагы елларда үткәреләгән олимпиадаларның биремнәре һәм аларны чишелеш юллары белән танышырга була.
Теге яки бу предметтан олимпиадаларның үткәрү графигы (көне, сөгате) белән беркетелгән файлда таныша аласыз.
Беркетелгән файл | Күләме |
---|---|
Grafik.doc | 31.5 KB |