Өченче ел рәттән “Европа сыйфаты” алтын медале” исемле бәйге оештырыла. Гадәттәгечә, ул ике номинациядә уза: “Россиянең 100 иң шәп урта һөнәри белем бирү оешмасы” һәм “Ел Директоры - 2008”.

Лауреатларны сайлап алуда төп шарт итеп регион, өлкә һәм республика мәгариф һәм фән министрлыклары юллаган характеристика-тәкъдимнәр алынган. Алга таба чараны уздыручы Бәйсез җәмәгать Советына уку елы нәтиҗәләре буенча хисап җибәрелде, дип хәбәр итә Татарстан Республикасының Мәгариф һәм фән министрлыгы матбугат үзәге.

Быел Россиянең 200гә якын уку йорты әлеге исемгә дәгъва кылган. Бәйгедә катнашучылар арасында Татарстан урта һөнәри белем бирү оешмалары да юк түгел. Бу төр уку йортларының республикада активлык рейтингы югары булуы моңа этәргеч булган. Бәйгедә лауреат исемен яулау да юкка түгел. Бу – “Россиянең иң шәп 100 урта һөнәри белем бирү оешмасы” номинациясендә Яр Чаллы шәһәренең Техник көллияте (директоры П.А. Кудряшов), Түбән Каманың нефтехимия көллияте (директоры А.Г. Кутузов) һәм Казан медицина көллияте (директоры З.А. Хисаметдинова).