Татарстан Республикасы Мәгариф һәм фән министрлыгы, Татнетны үстерү фонды һәм Арча муниципаль районы башкарма комитетының “Мәгариф идарәсе” муниципаль учреждениесе, Кушлавыч төп гомуми белем мәктәбе белән берлектә бөек татар шагыйре Г.Тукайның тууына 132 ел тулуга багышланган «Хезмәтем, көчем – милләтем өчен» девизы астында үткәрелүче II Россиякүләм «Китапнамә»ләр («Буктрейлер») бәйгесе НӘТИҖӘЛӘРЕ билгеле...

    Агымдагы елны бәйгегә 5 юнәлеш буенча 77 эш кабул ителде. Иң активлар гуманитар фәннәр юнәлешендә булды (39 эш). Республиканың төрле районнарыннан килгән эшләр белән беррәттән Пенза, Самара өлкәләреннән дә эшләр тәкъдим ителде...

    Эшләрне һәр жюри әгъзасы махсус 8 критерий буенча шәхсән бәяләде:

    1. Эшнең бәйге нигезләмәсенең барлык шартларына туры килүе;

    2. Эшнең шәхси яңалыгы һәм оригинальлеге;

    3. Эшнең информативлыгы, тема ачылыш;

    4. Эшнең техник башкарылышы;

    5. Эшнең эстетик бизәлеше һәм дизайн;

    6. Эшнең эмоциональ йогынтысы;

    7. Эшнең тәрбияви юнәлештә сәнгатьчә эшләнеше;

    8. Эшнең махсус күрсәткечләре булу (яшь, кулланылган материаллар);

     Иң беренче чиратта эшләрнең бәйге нигезләмәсенә тәңгәлләштереп эшләнүенә игътибар ителде. Ахырдан һәр эшкә гомуми баллар җыелып җиңүчеләр ачыкланды. Нигезләмә буенча эшләрнең сыйфатына карап кайбер юнәлештәге 2-3 урыннар башка юнәлешкә дә күчерелде.

    Әлеге вакытта барлык җиңүчеләргә һәм әлеге исемлектә булмаган барлык катнашучыларыбызга дипломнарны раслату эше бара. Алар бәйгегә килгән заявкагыздагы почталарыгызга җибәреләчәк. Барлык катнашучыларга да иҗади эшләрендә уңышлар телибез, китапнамәләрегез бик сыйфатлы, тырышып эшләнгән, афәрин! Җиңүче эшләр ачык интернет базада да урын алачак. Әлегә җиңүчеләрнең безнең тарафтан расланган исемлеген тәкъдим итәбез: II Россиякүләм «Китапнамә»ләр («Буктрейлер») бәйгесе ҖИҢҮЧЕЛӘРЕ

Хөрмәтле коллегалар, кадерле катнашучыларыбыз! Әлеге вакытта бәйге эшләрен карау бара. Тиз арада бар да билгеле булачак. Жюри комиссиясе тулы көчкә эшли. Бәйгегә быел барлыгы 75 эш кабул ителде. Күбесе бик сыйфатлы, уйлап эшләнгән. Шунлыктан бәяләүчеләргә дә җиңел түгел, эш планлаштырылганнан акрынрак бара. Һәр жюри әгъзасы аерым төстә һәр эшне 7 критерий буенча бәяли, ахырдан барлык баллар кушылып гомуми бәя формалаша... 

Әлегә менә шундый эшчәнлек бара. Яңалыкларны карап барыгыз.

    Хөрмәтле катнашучыларыбыз! Нигезләмә буенча бәйгебезгә эшләр кабул итү тәмам. Әлегә эшләрегезне алып, җаваплап кына бетерә алмыйбыз (бездә Тукай көннәре бара). Борчылыр урын юк! Почта әрҗәбездә хатларыгыз барысы да бар, вакытлары аерымачык. Барлык конкурсантларга да уңышлар телибез!..

    Хөрмәтле коллегалар, бәйгебезгә инде эшләр тәкъдим ителә башлады. Әлегә аларның нигезләмә таләпләренә тулысынча җавап биргән икесе кабул ителде. Әлеге эшләр Актаныш районыннан. Берничә эшне нигезләмәгә тәңгәлләштереп бетерү өчен кире борып тордык. Яңалыкларны әлеге биттән укып барыгыз, яңа эшләр көтеп калабыз!..

*News (кабул ителгән эшләр буенча кыскача информацияне шушы хәбәргә өстәп барачакбыз):

Килгән кадәр эшләр шулкадәр матур, эчтәлекле эшләнгән. Инде кайберләрен үзебезнең укыту-тәрбия эшчәнлегендә кулланылышка да алдык. Былтыргы җиңүчеләрнеке кебек үк агымдагы бәйге эшләре дә киң җәмәгатьчелеккә тәкъдим ителеп һәркем өчен файдалы булыр дип ышандырып калабыз...

10.04.2018 - Актаныш, Сарман, Казан, Арчадан эшләр кабул ителде. Иң актив Актаныш районы!..

13.04.2018 - Алдагы катнашучыларга Спас районы да өстәлде...

16.04.2018 - Ялларда Казаннан, Алабугадан эшләр кабул итеп алдык...

18.04.2018 - Алабуга һәм Яшел Үзәннән эшләр килде...

19.04.2018 - Казан һәм Арчадан эшләр кабул ителде...

20.04.2018 - Актаныш һәм Казаннан...

23.04.2018 - Азнакай, Алабуга, Кукмара, Арча, Казан, Актаныш, Мөслим, Сарманнан эшләр кабул ителде...

24.04.2018 - Кадерле катнашучыларыбыз! Бүген бәйге почтасында 17 яңа хат бар, әлегә аларны карап, җаваплап өлгермәдек. Бездә "Тукай энциклопедиясе"н Арча районында тәкъдим итү кичәсендә булдык. Хәзер ул бездә дә бар. Борчыла күрмәгез хатларыгызның килгән вакыты аерымачык, тиз арада карап хәбәргә чыгарбыз

    Бәйгенең былтыр узган рәсми интернет-битендә урнаштырган кайбер ярдәмлек хәбәрләрне дә яңартып җибәрергә кирәктер дип уйлыйбыз:

    "...Катнашырга теләүчеләр өчен иң авыр нәрсәләрнең берсе видеофайлларны  тәләпләргә яраклаштырып кысу (сжатие) икән. Кайберәүләргә МР4 форматына күчерешү дә кирәк. Моны истә тотып бераз гына ярдәм итеп җибәрәбез! Без тәкъдим иткән юл белән 250 МБлы видеофайл яхшы сыйфатта 37 МБлыга әйләнде!

    1. Бу видеоүрнәкне карап эчтәлеген аңларга: яңа тәрәздә видеоны ачу;

    2. Югарыдагы үрнәктә күрсәтелгән программаны үзегездә урнаштыру өчен күчермәләп алырга.

    Видеоүрнәктә бик тәфсилләп аңлатыла. Сезгә бары тик программаны урнаштыруга видеоны аңа "өстерәп китерергә", Видео бүлегендә МР4 форматын сайлап кысу күчергечен 20 саны тирәсенә куярга кирәк. Аннары югарыдарак файлыбыз сакланасы папканы күрсәтеп Старт төймәсенә басабыз. Бу "Китапнамә"гез без тәкъдим ителгәннән зуррак булса. Булмаса бераз җиңеләйтү өчен кысуны 20дән кечерәк санда башкарып карагыз. Уңышлар барыгызга да!.."

    Бәйгенең ике тигез хокуклы рәсми интернет бите эшли. Җәһәт һәм төгәл аралашу өчен барлык сораулар, фикерләр бары тик шушы битләрдә генә кабул ителә!

    - belem.ru сайтының  агымдагы бите;

    - Кушлавыч мәктәбенең twitter челтәрендәге рәсми бите (мәктәпләрдә блокланмый).