Рус әдәбияты буенча бердәм дәүләт имтиханына иҗади биремнәр генә кертеләчәк. Мәгариф һәм фән өлкәсендә күзәтчелек федераль хезмәте имтиханның бу төрен эшләргә керешкән, дип хәбәр итә "РИА Новости" ведомство җитәкчесе Сергей Кравцов сүзләренә сылтама белән.

Россия Мәгариф һәм фән министрлыгы дөрес һәм дөрес булмаган җаваплы биремнәрдән тулысынча баш тартырга һәм укучыларның иҗади мөмкинлекләрен бәяләү өчен иҗади биремнәргә күчәргә планлаштыра, дип белдергән Кравцов.