1 июньдә кичке сәгать алтыда Муса Җәлил исемендәге Татар Академия Дәүләт опера һәм балет театры сәхнәсендә Халыкара балалар көненә багышланган ХХVI «Бәхетле балачак» фестивале ачыла.

Төрле елларда фестивальдә Казанның иң яхшы коллективлары, Россиянең төрле төбәкләреннән, чит илләрдән килгән артистлар катнашты. Быел да программа кызыклы һәм бай булырга охшаган.