Бүген,16 декабрьдә, Казанда яшь укытучылар һәм мәктәп директорлары форумы уза. Аның эшендә Татарстан Премьер-министры урынбасары, мәгариф һәм фән министры Энгель Фәттахов та катнаша.

Форумда 30 яшькә кадәрге бер меңнән артык яшь мөгаллим һәм мәктәп директорлары катнаша. Форум Казан шәһәрендә урнашкан ресурс үзәк белән бәйләп торучы берләшмә буларак  "Яшь укытучылар һәм җитәкчеләр клублары" челтәрен булдыру максатыннан үткәрелә, дип хәбәр итә ТР Мәгариф һәм фән министрлыгының матбугат хезмәте.

Форум яшь укытучылар өчен үз һөнәрләренең иң үткен һәм борчулы мәсьәләләрен билгеләү, аларны хәл итүдә экспертлар ярдәмен алырга мөмкин булган, үзара фикер алышу мәйданы булып тора. Форум кысаларында Татарстан Республикасы яшь мөгаллимнәре ассоциациясе төзү планлаштырыла.