Тиздән тимерне эретүчеләр, аны эретеп ябыштыручарны әзерләү югары белем бирүгә әверелергә мөмкин. Бу үзгәртүне Россия Федерациясенең Мәгариф һәм фән министрлыгы планлаштыра.

Моны аңалатуы бик җиңел. “Кайбер өлкә, эшчәнлек төрләре бүген шул дәрәҗәдә үсте, үзгәрде ки, хәзер аларны тормышка ашыру өчен югары технологияләргә өйрәтү вәзгыяте туды”, - ди Мәгариф өлкәсендә Дәүләт сәясәте һәм нормати-хокукый көйләү Департаменты директоры Игорь Реморенко. Ә инде алынган белемнәрне ул вакытта башлангыч яисә урта һөнәри белемгә генә тигезләп булмый. Бу чын мәгънәсендә югары белемгә әверелә.

Ләкин тагын бер проблема, сәнәгать өчен кирәк югары сыйфатлы белгечләрне укыту процессын 7-8 елга сузып булмый. Ягъни башта өч ел техникумда, аннан 4-5 ел югары уку йортларында сарыф ителәчәк. Шуңа бәйле Мәгариф министрлыгы гамәли бакалавриат программасын төзи. Ул инде югары белем буларак тормышка ашырылачак.

Реморенко сүзләренә караганда, бүген эретеп ябыштыру төрләре шул дәрәҗәдә катлаулы, аларны элеккеге техникум яисә көллият әзерләгән белгечләр үзләштерә алмый. “Бу әлегә приоритет. 2009-2012 еллар дәвамында махсус программалар әзерләнеп бетәчәк, норматив үзгәртүләр кертеп, белем бирүнең әлеге баскычын легитимлаштырырга телибез”, - диде ул.

Чыганак: window.edu.ru