Максат:

1. Әкият төре белән танышуны дәвам итү.
2. Укучыларның иҗади эшләү күнекмәләрен, хәтерләү сәләтен үстерү.
3. Мөстәкыйль фикер йөртергә өйрәтү, төп фикерне әйтеп бирә белү, сөйләм телен баету.
4. Әдәплелек, кешелеклелек тәрбияләү. Акыллы җиңүче булуын күрсәтү.

Җиһазлау:

Интерактив такта, презентация, музыкаль әсәрләр, дәреслек, карточкалар, аудиоязма.

Дәрес тибы: яңа белем – мәгълүмат бирү.

Дәрес барышы.

1.Оештыру өлеше. Исәнләшү.
- Исәнмесез! Хәерле көн! Кәефләрегез ничек? Дәресебезне “Табышмак әйтәм” уены белән башлыйк әле.

Сакаллы килеш туа,
Берәү дә гаҗәпләнми. (Кәҗә)

Сорыдыр төсе,
Усалдыр үзе.
Урманда йөри,
Куяннар эзли. (Бүре)

- Болар нәрсәләр? (Хайваннар)