12 ноябрь көнне Мәскәүдә Әдәбиятчыларның үзәк йортында Татарстан Республикасы халык шагыйре, Россия Федерациясенең атказанган мәдәният хезмәткәре, Габдулла Тукай һәм Муса Җәлил исемендәге премияләр лауреаты, ТР Мәдәният министрлыгы һәм ТР Язучылар берлегенең Гаяз Исхакый премиясе лауреаты, Татарстан Республикасы Фәннәр академиясенең Мактаулы әгъзасы, “Казан утлары” баш мөхәррире Равил Фәйзуллинның 70 яшьлек юбилеена багышланган бәйрәм кичәсе уза.

Әлеге чарада ТР Мәдәният министры Айрат Сибагатулинның, Республика матбугат һәм массакүләм коммуникацияләр агентлыгы җитәкчесе Ирек Миңнәхмәтовның, Мәскәү шәһәре Мәдәният департаменты җитәкчесе Серегей Капковның, Төркиядән һәм Башкортостаннан кунакларның катнашуы көтелә.