Казанда танылган язучы Чыңгыз Айтматовның тууына 85 ел тулуга багышланган чаралар башланып китте.

25-26 октябрьдә КФУның филология һәм сәнгать университетында, Мәдәният министрлыгы белән берлектә, “Мә­дәниятләр багланышы яктылыгында Чыңгыз Айтматов­ның иҗаты” дигән халыкара фәнни-гамәли конференция үткәрелә.

Мәгълүм булганча, әдипнең нәсел тамырлары Татарстанның Кукмара районына барып тоташа. Аның әнисе Нәгыймә беренче гильдия сәүдәгәр Хәмзә Габдевәлиевнең кызы. Чыңгыз Айтматовның иҗаты рус әдә­бияты белән дә, татар әдәбияты белән дә тыгыз бәйләнгән. Бу, үз чиратында, авторның фикер сөреше формалашуга йогынты ясаган. Шуңа күрә аның иҗаты мәдәниятләр багланышы кысаларында карала да.

Чыңгыз Айтматовның әсәр­ләре дәньяның 176 теленә тәр­җемә ителгән. 128 илдә 100 мил­лионнан артык тираж белән бастырылып чыгарылган. Ул уз­ган гасырның иң укылышлы язучыларыннан санала. Аның шәхесе, иҗаты белән якыннанрак “Мир” кинотеатрында да танышып булачак. Иртәгә кичке алтыда әдипнең тормышы һәм иҗатына багышланган “И слово мое – душа моя” документаль фильмы күрсәтеләчәк. Ә Чың­гыз Айтматов әсәрләре буенча төшерелгән фильмнарны 31 ок­тябрьгә кадәр карап була. Алар арасында “Первый учитель”, “Материнское поле”, “Красное яблоко”, “Зной”, “Белый пароход” дигән нәфис фильмнар бар.

Чыганак: http://www.vatantat.ru