23-25 августта Таллин шәһәрендә Европа татар яшьләренең II форумы узачак. Татарстан яшьләр эшләре, спорт һәм туризм министрлыгы хәбәр итүенчә, чарада Европадагы татар диаспоралары мәсьәләләренә бәйле утырышлар, Европадагы татар яшьләр башкаруында концерт каралган, шулай ук форумга Татарстаннан да артистлар барачак.

I Европа татар яшьләре форумы 27-29 апрель көннәрендә Латвия башкаласы Ригада узган иде.