Татар дәүләт гуманитар-педагогика университеты чыгарылыш сыйныф укучылары өчен психология һәм педагогика белеме факультетында кыскартылган программа буенча (2 ел 10 ай) “Мәктәпкәчә яшьтәге балаларга белем һәм тәрбия бирү” белгечлеген алырга ярдәм итүче махсус бүлек оештыра.

Чыгарылыш сыйныф укучылары бюджет группага БДИ нәтиҗәләре (рус теле һәм биология) буенча кабул ителәчәк. Биологиядән БДИны икенче дулкын белән 8 июль көнне университетның үзендә дә тапшырырга мөмкин. Гаризаны электрон формада КФУ рәсми сайтында калдыра аласыз.

В.Ф.Габдулхаков, мәктәпкәчә яшьтәге балалар педагогикасы һәм методикасы белеме кафедрасы мөдире, педагогика фәннәре докторы, профессор.