Хәерле көн, хөрмәтле кунаклар, укытучылар, укучылар! Бүген бездә кунакта сез яңа гына тыңлап үткән шигырьләрнең авторы, Әлмәт шәһәрендә яшәп иҗат итүче мөгаллимә-шагыйрә Роза Гәрәй кызы Солтанова. Әйдәгез аны алкышлап сәхнәбез түренә чакырыйк. Рәхим итегез, Роза ханым.

Кайсы яктан сиңа карасам да,

Өстәл өсте кебек тигезлек.

Бөтен яктан күтәрелеп таудан,

Кайту өчен кирәк җитезлек.

Кай якта бар бездәгедәй матур

Ашказар күк сихри урманнар,

Салкын сулы гаҗәп тау чишмәсе,

Шарлавыклы кырлар, болыннар.

Уңган халык, яшь наратлар белән,

Урап алган барлык урманны.

Калын дәфтәр кирәк җиләк-җимешләрне

Язу өчен, анда булганны.

Роза Солтанова Әлмәт районы Сабанчы авылының әнә шундый матур табигать кочагында мөгаллимнәр гаиләсендә дөньяга килә.