Россия Федерациясе хөкүмәте рәисе Владимир Путин «2011-2015 елларда мәгарифне үстерү» федераль максатчан программаның концепциясен раслады. Программа Россиядә сыйфатлы белем бирүне тәэмин итү максатын күзаллый.

Программаның бурычлары: профессиональ белем бирүне хезмәт базары таләпләренә туры китерү, гомуми һәм мәктәпкәчә белем бирү системасын яңарту. «2011-2015 елларда мәгарифне үстерү» федераль максатчан программасына федераль бюджеттан 54,2 млрд.сум акча бүлеп бирү каралган.

Программа ике этапта гамәлгә ашырылыр дип көтелә. Беренче этап 2011-2013 елларда, икенчесе исә 2014-2015 елларда башкарылачак. Нәтиҗәдә, мәгариф өлкәсендә яңа инфраструктура, уңышлы модельләр һәм механизмнар барлыкка килер дип планлаштырыла.

Чыганак: http://intertat.ru