Казан (Идел буе) федераль университеты карамагындагы Н.И.Лобачевский исемендәге лицейның 11 нче сыйныф укучысы Луиза Галләмова лидерлар һәм балалар, яшьләр иҗтимагый оешмалары җитәкчеләренең “XXI гасыр лидеры” дип аталган бөтенроссия бәйгесендә җиңү яулады.

Луиза Галләмова Казан шәһәре балалар иҗтимагый оешмалары ассоциациясенең координация советы әгъзасы булып тора.

Татарстан Республикасы Мәгариф һәм фән министрлыгы хәбәрләренә караганда, әлеге конкурста илнең 48 төбәгеннән 100дән артык яшь лидер катнашты.

Чыганак: http://tat.tatar-inform.ru