Татар мәгарифе порталы
Бик тиздән “Яшь программист” исемле XII республикакүләм конкурсның өченче туры башланачак. Ул традицион рәвештә ике турда үтә. 14-21 март аралыгында проектлар кабул ителә. Бу турны уңышлы үткәннәр 25 мартта икенче турга юллама алачак. Икенче турда катнашучылар үз проектларын киңкүләм аудиториягә тәкъдир итәчәк. Елдагыча, конкурсның йомгаклау өлеше “Байтик” компьютер лагерында узачак.
Әлеге конкурсның максаты – “Талантлы балалар һәм компьютер” исемле республикакүләм программа кысаларында теге яки бу өлкәдә көчле балаларны табу, аларга ярдәм итү, укучыларның ижадилыгын үстерү. Бәйгене оештыручылар арасында Татарстан Республикасының Мәгариф һәм фән министрлыгы, В.И. Ульянов-Ленин исемендәге Казан дәүләт университеты, А.Н. Туполев исемендәге Казан дәүләт техник университеты, Татар дәүләт гуманитар-педагогик университеты да бар.
Үзләрен программист буларак кемнәр сыный ала соң? Конкурс шартлары буенча гомумбелем мәктәбе укучылары, техникумның беренче курс студентлары, өстәмә белем бирү оешмаларында тәрбияләнүчеләр шәхси проектларын тәкъдим итә ала.
Жюри әгъзаларына килгәндә, алар – компьютер сәнгате, телекоммуникация, дизайн, информацион-технология кебек өлкәдә авторитет саналган белгечләр.
Йомгаклап шуны әйтәсе килә: быел конкурска ќибәрелгән эшләр сыйфаты ягыннан былтыргыдан яхшырак булыр. Нәкъ шушы максат белән март аенда “Байтик”та махсус “Компьютер сәнгате мәктәбе” курсы уздырылган иде. Ул вакытта курсны оештырган белгечләр укучыларын республикакүләм “Яшь программист” конкурсына әзерләячәкләрен ассызыкладылар.