Ресурслар бүлегенә (http://belem.ru/resources) керәсез. Анда һәр ресурс турында кыскача аннотацияләр исемлеге бирелгән. Һәр ресурсның аскы өлешендә аның кайсы категориягә керүе күрсәтелгән. Үзегезне кызыксындырган категория исеменә (сезнең очракта - Татар теле яисә Татар әдәбияты) басып, экранга шул категориядәге ресурсларны гына сората аласыз.
Порталда эзләү мөмкинлеге булдырылган. Моның өчен порталның төп битендә яисә ресурслар битендә Эзләү юлы бар. Порталда теркәлмәгән кулланучылар билгеле бер сүзләрне соратып кына эзли алалар. Теркәлеп, авторизация үтеп (теркәлгәндә күрсәткән логин һәм серсүзне язып) порталга кергән кулланучылар җентекләп эзли алалар (ягъни категорияләр һ.б. параметрлар буенча).
Порталда бирелгән ресурсларның күбесе - аерым дәрес планнары. Барлык ресурслар да укытучыларыбызның хезмәт җимешләре. Порталда ресурсларның арта баруы күпчелек алар биргән ресурслар белән тулылана. Шул рәвешле ресурслар уртаклашып, укытучылар бер-берсенә ярдәм күрсәтә, шул ук вакытта үзен һәм үзенең хезмәтләрен таныта ала. Белем.руда басылган ресурслар татар теле һәм әдәбияты буенча категорияне күтәрү вакытында Татарстан Республикасы кысаларында фәнни хезмәт булып исәпкә алына. Ресурсларны урнаштыру өчен укытучылардан түләү алынмый.
Ринат әфәнде! Үзегезнең ресурслар белән уртаклашып, Сез дә Белем.ру ресурслар базасын баета, татар телендә белем бирүчеләр белән фикер алышып яши аласыз.
Тематик планнар белән уртаклашучылар әлегә юк дәрәҗәсендә. Сезнең тәкъдим фикерләрегезне укыган кешеләр күрше республикада татар телен үстерү өстендә эшләүче мөгаллим - сезнең өчен ярдәм кулын сузарлар, тематик планнар белән уртаклашырлар дип ышанып калабыз.