Күптән түгел Казан шәһәренең 40 нчы гимназиясендә татар педагогы һәм тарихчысы Һади Атласига багышланган “Татарстан халыкларының тарихи-мәдәни һәм әхлакый кыйммәтләре” исемле мәктәпара конференция узды. Шунысы игътибарга лаек, конференция барышында Татар дәүләт гуманитар-педагогика университетының Филологик белем бирү факультеты аспирантлары да катнаша. Алар “Этномәдәниятны өйрәнүдә тел белеме”(А.Р.Әүхәдиева), “Этномәдәниятны өйрәнүдә әдәбият белеме” (А.Чулахова) кебек секцияләрне җитәкли.

Уку йортының рәсми сайты хәбәр итүенчә, конференциядә катнашкан 8-11 нче сыйныф укучыларының яхшы нәтиҗәләр күрсәтүен ассызыклый. Кайбер эшләр хәтта нәшер ителүгә дә тәкъдим ителгән. Әдәбият белеме секциясендә җиңү 40 нчы гимназия укучысы Александра Хәмидуллинага бирелә. Тел белеме секциясендә исә, беренче урынны 139 нчы гимназия укучысы полина Щербакова ала.