Башка чаралардан аермалы буларак, мәктәп укучыларының физик культурадан Бөтенроссия олимпиадасы әле старт алырга гына тора. Олимпиаданың республика этабы 31 нче гыйнвардан 3 нче феварльгә кадәр дәвам итәчәк. Җыелу урыны – “Регина” кунакханәсе. (Адресы: Казан, Үзәк ур., 70 нче йорт, тел.: 275-85-27). Ярышлар Татар дәүләт гуманитар-педагогика университеты спортзалларында һәм Казан шәһәренең Үзәк стадион манежында узачак.

2009-2010 уку елы олимпиадасында 9-11 нче сыйныфлардан барлыгы 127 яшь спортчы катнашачак, диелгән Татарстан Республикасының Мәгариф һәм фән министрлыгы рәсми сайтында. Укучылар исемлеге һәм катнашучыларга куелган таләпләр белән беркетелгән файлда таныша аласыз.