Бүген Татарстанның күп кенә әйдап баручы югары уку йортларында беренче курс студентлары кабаттан Бердәм дәүләт имтиханнары тапшыра. Сынау узачак кызлар-егетләрнең Татарстан буенча гомуми саны – 700.

Кайбер уку йортлары инициативасы белән Россия мәгариф күзәтчелеге быел уздырылган БДИ нәтиҗәләренең чынбарлыкка туры килү-килмәвен тикшерә башлады. Беренче булып сынауны татарстанлылар уза. Шундый ук чаралар Воронеж өлкәсендә һәм Краснодар краендә көтелә.

Бездә мәҗбүри саналган математика һәм рус телен бүген Казан дәүләт университеты һәм Татар дәүләт гуманитар-педагогика университеты студентлары тапшыра. Тикшерүнең Казан дәүләт техник һәм технология университетларында да узуы мөмкин.