Яңа әсәр
Сылу
23 июн 2009 - 11:16

Яңа әсәр

"Белем.ру"ның электрон китапханәсе чираттагы әсәр белән тулыланды. Гомәр Бәшировның "Намус" романын дәгъва кылып йөрүчеләр канәгать калгандыр! Сылтама: http://miras.belem.ru/

Фикерләр

Кунак сурәте

Кунак

25 Июнь, 2009 - 11:36

Әдипләребезнең сүзләренә язылган җырлар да комачауламас, дәресләребезне тулыландырып җибәрү өчен бер дигән материал булыр иде...

Сылу сурәте

Сылу

29 Июнь, 2009 - 11:08

Хөрмәтле, Кунак!!!!))) Җырлар бар. Ләкин, күрәсең, сезгә аларны барлык файллар арасыннан эзләве уңайсыз. Чөнки кайбер шигырьләрнең аудио версияләре, яисә ул шигырьләргә язылган җырлар бар, ә кайберләре гади текста буларак кына бирелә. Һәрберсен тикшерү мәшәкатьле. Шуңа күрә уңайлылык өчен аудио файллар аерым бүлектә тә җыелып барачак. Ихтирам белән Сылу.

Кунак сурәте

Кунак

24 Июнь, 2009 - 22:30

Башлангыч сыйныфлар өчен әсәрләрне, балачак әдипләрен дә читкә какмассыз дип ышанабыз! Алар да бит безнең классикларыбыз!
Хәзерге татар әдәбияты да бик кызыксындыра. Замандашларыбыз иҗатына да урын булыр өметләнәбез!

Сылу сурәте

Сылу

29 Июнь, 2009 - 11:10

Балалар әдипләре куела башлады. Шушы көннәрдә нәкъ шул җыентыкны электрон вариантка күчереп маташа идек. Тәкъдимнәрегезгә чиксез рәхмәтле Сылу!

Кунак сурәте

Кунак

24 Июнь, 2009 - 10:57

Бик изге эш башкарасыз, рәхмәт сезгә. Сайтыгыздагы һәр яңалыкны, һәр яңа материалны куанып көтеп алабыз. Теләкләребез дә бар:
1) Язучыларыбыз тормышы белән бәйле фотоматериаллар, видеосюжетлар банкы булдырылса яхшы булыр иде. Юкса, Интернет челтәреннән эзли башласаң, әллә нинди сайтларга юлыгырга мөмкин, ә кирәклесен табу бик авыр.
2) Безнең балаларыбыз, бик күп укытучыларыбыз хәзер презентацияләр дә ясый бит, бәлки аларны да тупларга кирәктер.
3) Яңа китапларга гына түгел, аудио, видеодискларга да анонслар куелсын иде. Ерак районнарда яшәүчеләр, чит төбәкләрдә көн күрүче милләттәшләребез яңа материаллар турында мәгълүматларга тилмерәләр. Чыкканын белеп торсак, сорап кайтартырга уңайлырак бит.

Сылу сурәте

Сылу

24 Июнь, 2009 - 12:15

Рәхмәт бик зур итеп!
1)Авторларның биографияләренә карата фотоматериаллар бүлеген эшләү "Мирас" планында каралган иде, аны программистларыбыз тәмамлап утыра, туплаган фотоматериалларыбыз хәйран. Ә менә видеосюжетлар турында ШӘП ТӘКЪДИМ! Бер ике классигыбыз турында видеоматериаллар бар-барын. Монысын да башлап җибәрербез.
2)Презентация хакында. Ресурлар бүлегендә ПРЕЗЕНТАЦИЯ бүлекчәсе бар. Биредә элек педагоглар гына элә иде эшләрен. Шушы арада укучылардан да презентацияләр килә башлагач, аларны да урнаштыра башладык. Шулай ук махсус балалар иҗаты өчен генә каралган бүлекчә дә бар (мәгълүмат өчен).
3) Ә менә монысы бөтенләй өр-яңа тәкъдим! Укытучыларга дәрес алып бару өчен ниләр кирәген мөгаллимнәр үзләре генә белә шул. Алга таба яңа аудио һәм видео материаллар чыгуы турында да хәбәр итеп торырбыз!

Кунак сурәте

Кунак

23 Июнь, 2009 - 14:04

Рәхмәт! "Җидегән чишмә"сен дә көтеп калабыз.

Сылу сурәте

Сылу

23 Июнь, 2009 - 18:24

"Мирас"ның эшли башлавына ике айлап була. Ләкин моңарчы "Мирас"ка кагылган фикерләр юк иде. Эшебезне бәяләвегез өчен үзегезгә рәхмәт. Шушы вакыт эчендә күп кенә әсәрләрнең электрон варианты булдырылды. Укытучылар, укучылар, студентлар өчен күптөрле материаллар (аудио, әсәрләрнең электрон варианты, классиклар турында биографик мәгълүмат, төрле фәнни эшләр өчен материаллар һ.б.)эленә. Куелган материалларның күчерелү статистикасы зур, бу безне бик куандыра. Ләкин сезнең фикерләрне дә ишетәсе килә. "Мирас"та тагын ниләр җитми, нинди киңәшләрегез бар?