- Укучылар, без бүген сезнең белән бик кызык бер абый белән танышырбыз. Тыңлагыз әле, шул малай турында бер шигырь укып китәм:

Шаян малай ди үзе,

Әллә таныш та инде?

Вәли төслерәк диләр,

Әмма тешлерәк диләр...

Син кем диеп сорасагыз,

Әйтер ул: мин - Иләвәш.

Сездән башка берәүгә дә

Иләвәш сер сөйләмәс.

Качышлы уйнарга булган,

Эзләсеннәр дигән ул -

Шомбай сыман исемен дә

Әйләндереп кигән ул.

- Иләвәш исемле малайны очратканыгыз бармы сезнең, укучылар? Ничек итеп ул исемен кирегә әйләндереп кигән икән?

( Хәрефләрне арттан алга укып дөрес исемен табалар).

- “Шәвәли”.

- Бик кызык малай икән Шәвәли, әйеме, исемен дә әйләндереп кигән. Менә шул кызык малай безгә дәрескә килгән. Үзе белән таныштырып китсен әле.