Казандагы шәхси балалар бакчасында 8 сабый агуланган
24 Nov, 2015 Раил Гатауллин 0
Чыганак:
Татарстанда тикшерү органнары тарафыннан шәхси балалар бакчасында сабыйлар агулану очрагы буенча тикшерү алды эше башланган.
Беренчел фаразлар буенча, 17-19 ноябрьдә Казанда бер үк бакчага – "Егоза" белем үзәге"нә йөрүче 2010-2012 елгы 8 балада азык белән агулану билгеләре күренә. Медицина хезмәткәре караганнан соң балалар өйләренә озатылган.
Хәзерге вакытта әлеге хәлнең сәбәпләре ачыклана. Санитар-эпидемиология хезмәтләре тарафыннан су һәм азыклар тикшерелә. Нәтиҗәләрдән чыгып, процессуаль карар кабул ителәчәк, ди ТР Тикшерү комитетының матбугат хезмәте.