Апас районының Каратун мәктәбендә быел 11 авылдан килеп белем алачаклар. Яңа уку елында 1 нче класска 28 бала керде. 29 укучы исә быел 11нче классны тәмамлый, дип хәбәр итә Апас җирле басмасы.

Мәктәп елдан-ел яңара, матурлана, белем алу өчен барлык шартлар бар. Мәктәпнең спорт залын тулысынча яңартканнар. Мәктәп янәшәсендә 2 спорт мәйданчыгы калкып чыкты. Хәзер балалар биредә рәхәтләнеп футбол, волейбол, баскетбол уйный.