Максат.

- Табигатькә мәхәббәт тәрбияләү.

- Балаларга әкиятнең эчтәлеген картиналар ярдәмендә сөйләргә өйрәтү. Әкиятнең эчтәлеге буенча куелган гади сорауларга гади җөмләләр белән җавап бирү сәләтен үстерү.

- Геометрик фигураларның төсен, формасын танырга өйрәтүне дәвам итү һәм сәнгатьле төзүгә кызыксыну уяту.

- Хәтерне, логик фикерләүне, сөйләм телен үстерү.

Материал: фланеграф, төрле төстәге геометрик фигуралар.

Интеграция: аралашу, танып белү, социальләшү.

Тарату материалы: фотосурәтләр.

Сүзлек өстендә эшләү: овал.

Дәрес барышы:

(балалар ишек янында ярым түгәрәктә басып торалар)

Тәрбияче:

- Балалар, мин сезгә бер табышмак әйтәм. Җавабын тапсагыз, без шул урынга сәяхәткә барырбыз.

Табышмак:

Язын ямь бирә,

Җәй салкын бирә,

Көзен тәм бирә,

Кышын тун бирә. (Урман)

Җәй киенә, кыш чишенеп ташлый. (Урман)

Тәрбияче:

- Дөрес, бу урман (слайдта урман ачыла). Менә урманга килеп тә җиттек. Әйдегез, хәзер урындыкларга утырыйк (балалар ярым түгәрәк урындыкларга утыралар).