Тәрбияче: Балалар, безнең бүген гадәти генә шөгыль түгел. Без сезнең белән уеннар уйнарбыз, сәяхәт итәрбез, әңгәмә корырбыз. Әйтегез әле, һәрвакытта безнең өстәлебез түрен нәрсә бизи?

Балаларның җаваплары тыңлана.

Тәрбияче: Сез бик дөрес җавап бирдегез. Кайда гына булсак та, безнең өстәлебез түрен икмәк бизи. Ә менә ипи өстәлгә куелганчы нинди юллар уза икән, сезнең бу хакта уйлап караганыгыз булмадымы? Әйтегез әле, ипине нәрсәдән пешерәләр?

Балалар: Оннан.

Тәрбияче: Ә онны каян алалар?

Балалар: Бодайны тегермәндә тартып он ясыйлар.

Тәрбияче: Әйе, ә бодайны каян алалар соң?

Балалар: Ул басуда үсә.

Тәрбияче: Аны кем үстерә?

Балалар: Игенче.

Тәрбияче: Ә игенче дип кемне атыйлар? Балалар, мин сезгә бер табышмак әйтәм, тыңлагыз: ...