Аның әсәрләре ел саен диярлек басылып тора. Чит телләргә тәрҗемә ителә. Кытай, Финляндия, Төркия, Австралиядә яшәүче татарлар аның әсәрләрен яратып укыйлар.

Истанбулдагы Мәрмәрә университеты профессоры Надир Дәүләт, Кызылъярга килеп, аның әсәрләрен, фотосурәтләрен алып китте.

Әйе, Фәнис Яруллин дөньякүләм язучыга әйләнде. Шагыйрьгә дан-шөһрәт килде. Аның шундый дәрәҗәләргә ирешүдәге терәге, рухи көч биреп торучысы кем булгандыр дип уйлыйсыз? Әлбәттә, иң беренче чиратта - Әнисе.