Миңкадыйр Һидият улы Сибгатуллин (әдәби тәхәллүсе Кадыйр Сибгатуллин) 1942 елның 15 февралендә Советлар Союзы Татарстан автономияле Республикасының Корноухово (хәзерге Балык Бистәсе) районы Балыклы Чүкәй авылында туа.

Әтисе Һидиятулла Сибгатуллин Бөек Ватан сугышы башлануның беренче көннәрендә үк сугышка китә һәм хәбәрсез югала. Әнисе Миңзифа Шәмсевәлиева үз авылы Кече Укмаска кайтып китә. Миңкадыйрның балалык еллары Кече Атмас (хәзерге Кече Укмас) авылында әнисе һәм икенче атадан туган абыйсы Вахит Вәлиев гаиләсе белән бергә бабасы Шәмсевәли һәм әбисе Мәгъфүзә йортында яшәп үтә.

Чыганак: http://kadyjr.narod.ru