"Яндекс" компаниясе мәктәп укучылары өчен онлайн-түгәрәкләр буенча навигатор булдырды. Балалар һәм ата-аналар хәзер "Яндекс"та мәктәптән тыш вакытны файдалы итеп үткәрергә ярдәм итәчәк өстәмә дәресләр турында мәгълүмат таба ала. 

Навигатор "Яндекс. Мәктәпләр." базасында эшли. Бу платформаны "Яндекс" март аенда эшләтеп җибәрде. Анда төрле фәннәр буенча видеодәресләр һәм чыгарылыш имтиханнарына әзерлек курслары бар. Беренче ай эчендә дистанцион белем бирү өчен яңа платформадан 2 миллионнан артык укучы файдаланган. Хәзер "Яндекс. Мәктәпләр." каталогында инженерия һәм конструкцияләү буенча дәресләр дә, нейротехнологияләр буенча курслар да табарга мөмкин.

 - Яңа сервис ярдәмендә укучылар яңа технологияләр турында күбрәк белә алачак, ә киләчәктә алар үз идеяләре һәм әзерләнгән проектлары белән килә башлар, - ди Россия Президентының цифрлы һәм технологик үсеш мәсьәләләре буенча махсус вәкиле, СИАның "Яшь профессионаллар" юнәлеше директоры Дмитрий Песков.

-  "Яндекс.Мәктәп"тә йөзләгән түгәрәк тәкъдим ителәчәк. Балалар өйдә утырганчы, күңелләренә хуш килгәнне сайлый ала", - дип саный Яндексның белем бирү сервислары җитәкчесе Илья Залесский.