Әлеге хәл 30 июльдә, Әлмәт районында булган. Әлмәт районы Ямаш авылында һәйкәл итеп куелган Т-44 танкына ике бала бикләнеп калган. "Ике бала – 2009 елгы кыз һәм 2004 елгы малай Т-44 танкына менә, танк төбендәге люкны ачып эчкә керә. Әмма кире чыкканда үз көчләре белән люкны ача алмыйлар", – дип җиткерелә Татарстанның гадәттән тыш хәлләр министрлыгы хәбәрендә.

Коткаручылар балаларны иреккә чыгара. Алар белән барысы да тәртиптә.