Дәрес эшлекле уен элементлары белән «Түгәрәк өстәл янында сөйләшү» формасында дөньяның экологик проблемалары, җәмгыять һәм табигать арасында үзара тәэсир итешүнең нәтиҗәләре белән таныштыру, әйләнә-тирә мохитнең экологик хәленә бәя бирү, туган як табигатен саклауга җаваплы караш тәрбияләү, үзебез яшәгән авылның көнкүрешенә һәм «Атабай» җәмгыяте эшенә экологик яктан анализ ясау максатыннан үткәрелә.

Ул дөньяның сәяси картасы, Россиянең физик картасы, Татарстан Республикасының физик картасы, «Табигать һәм без» дигән фотокүргәзмә, «Парник эффекты» схемасы, «Безнең Җир берәү генә!» дип язылган плакат, туган авылыбыз табигате турында видеофильм, экология темасына укучылар ясаган рәсемнәр, табигатьне саклау турында китаплар күргәзмәсе белән җиһазландырыла. ...