Россия тимер юллары җитәкчелеге 1 июньнән алып 31 нче августка хәтле 10 яшьтән 17 яшькә кадәрге балаларга плацкарт һәм гомуми вагоннарда билетларга 50 процент ташлама кертергә карар кылды. Моңарчы балалар ташламалы йөрү хокукыннан уку дәверендә – 1 сентябрьдән 31 майга кадәр генә файдалана ала иде. Шул рәвешле, хәзер мәктәп укучылары поездларда ел дәвамында ярты бәягә сәяхәт итә алачак.

Билет сатып алганда баланың туу турында таныклыгын яки паспортын күрсәтү дә җитә. Әлеге чорда мәктәптән белешмә тәкъдим итәргә кирәкми.