Россия Юстиция министрлыгы 2015 елда БДИ тапшыру вакытын раслаган. Имтиханнарның төп дулкыны 25 майдан башлана.

25 майда чыгарылыш сыйныф укучылары география һәм рус әдәбияты буенча имтихан тапшырачак. 28 майда — рус теле, 1 июньдә — математиканың төп, ә 4 июньдә профильле дәрәҗә буенча имтихан тотарга туры киләчәк.

8 июньгә химия һәм җәмгыять белеме буенча имтихан билгеләнгән. 11 июнь — чит ил телләре буенча язмача сынау тапшыру көне. Аны телдән булган имтихан исә 17 һәм 18 июньдә узачак. Информатика һәм мәгълүмати-коммуникацион технологияләр, биология, тарих фәннәре буенча бердәм дәүләт имтиханнарын 15 июньдә уздыру планлаштырыла.

Рус теле буенча имтиханны нигезле сәбәп аркасында вакытында тапшыра алмаганнар өчен резерв көн — 22 июнь. Математика буенча икесен дә —  23 июньдә тапшыру мөмкинлеге бирелә. 24 июнь — география, химия, рус әдәбияты, җәмгыять белеме һәм физика фәннәре буенча имтихан тапшыручылар өчен резерв көн. Чит ил теле, тарих, биология, информатика һәм мәгълүмати-коммуникацион технологияләр буенча сынау бирүчеләргә резерв көн 25 июньгә планлаштырылган.