Татар мәгарифе порталы
Сез монда
Барлык тырышлык Студентлар уены һәр катнашучы, һәр кунак күңелендә бары тик уңай тәэсир калдыруга юнәлдерелгән. Шуңа Татарстан башкаласындагы зур чараны уздыруга әзерлек мәсьәләләре хакында дәүләт дәрәҗәсендә фикер алышалар. Аларның берсе — Универсиадада катнашучылар һәм республика кунаклары уеннар вакытында бер урыннан икенчесенә ирекле күчеп йөрүен тәэмин итәр өчен, Казанның транспорт инфраструктурасын җайга салу. Билгеле булганча, әлеге тармак 2013 елга кадәр җиренә җиткерелеп бетерелергә тиеш. Казан аэропортын төзекләндерә башладылар инде. Аэропортны ремонтлау аның кабул итү куәтен 10 тапкырга арттырырга тиеш. Моннан тыш Казанда 15 ике катлы юл чишелеше төзергә, тагын 130 километр юл җәяргә ниятлиләр. Татарстан башкаласының бизәге һәм транспортының бер төре булган метро да үзгәрешсез калмаячак: 2013 елга аның станцияләре саны 11гә җитәчәк.
2013 елгы Халыкара студентлар уеннарына әзерлек планына юллар салу, спорт объектлары, Универсиада авылы төзүдән тыш уеннарда катнашачак һәркемне инглиз теленә өйрәтү дә керә. Ник дигәндә, бу вакыйга Казанга меңләгән чит ил кешесен җәлеп итәчәк, төп аралашу теле дә инглиз теле булачак. Казанда Универсиада уздыруга бәйле, хезмәт күрсәтүче персонал, спорт комментаторларын әлеге чит телгә өйрәтү турында ТР Мәгариф һәм фән министрлыгы чарларында еш сөйләштеләр. Бүген исә Казан мәгариф учреждениеләрен җитәкләүчеләрнең традицион август киңәшмәсендә аңа ирешү юлларын табарга тырыштылар.
Башкалабызның Мәскәү районы 2 нче лицей-интернаты инглиз теле укытучысы Госман Гайнуллин әйтүенчә, проблеманы ике юнәлештә чишәргә кирәк. Аның берсе — мәктәптә инглиз телен укыту сыйфатын арттыру, икенчесе — кадрлар мәсьәләсен хәл итү. «Инглиз теле буенча россиякүләм олимпиадаларда укытучылар белән аралашу вакытында мин бу проблемаларның бер Татарстанны гына борчымаганын аңладым. Минемчә, белем сыйфатының түбән булуы мәктәпләргә дәреслекләрне үзлектән сайлап алу мөмкинлеге булмаудан тора. Әлегә кадәр укучылар чит илдәге яшьтәшләре шөгыльләнә торган дәреслекләрдән өйрәнү мөмкинлегеннән мәхрүм. Шуңа да без инглиз теле буенча БДИда яхшы күрсәткечләргә ирешә алмадык», - дип билгеләп узды мөгаллим.
Госман Гайнуллин әлеге проблемалардан чыгу юлын укытучылар өчен бердәм мәгълүмати киңлек тудыруда күрә. Биредә укыту, квалификацияне күтәрү мәсьәләләре буенча гына фикер алышып калмаячаклар, ул тәҗрибә уртаклашу мәйданы булып та хезмәт итәчәк. 2 нче лицей-интернат укытучысы Казанны өйрәнү дәресләрен дә инглиз телендә алып бару кирәклеген ассызыклады. Бу чит илдәгеләргә үз туган шәһәрең турында сөйләү мөмкинлеге бирәчәк. Мөгаллим Госман Гайнуллин бездә эшләп калсын өчен, чит шәһәрдән килгән инглиз теле укытучыларына социаль ипотека буенча торак бирү өчен квота калдыру, актив яшь педагогларга матди ярдәм күрсәтү хакында да сөйләде.
Фикерләр
Кунак
13 Март, 2009 - 17:04
Permalink
Казанда узачак 2013 елгы Халыкара Универсиадага бик күптән әзерл
универсиада Казаныбызда! бик шатмын!!!! универсиаданың безнең шәһәрдә уздырылуына күп акча китсә дә, бу күп кенә плюслар алып киләчәк