Хөрмәтле кулланучыларыбыз!

2014 нче ел Белем.ру порталы өчен сыйфатлы һәм файдалы белем ресурсларына бай булды, дип әйтәсе килә. Узган елда порталга барлыгы 119 ресурс кабул ителеп урнаштырылган. Алар арасыннан җиде ресурс үз аеның иң яхшы ресурсы исеменә лаек булган. Һәм әлегә бары тик декабрь аеның гына иң яхшы ресурсы ачыкланмаган килеш калып бара.

Шуңа да без, бәйрәм көннәре булуга карамастан, бүген 2014 нче елның декабрь аенда килгән ресурслар арасыннан иң яхшысын сайлауны башлап җибәрәбез. Декабрь аеның иң яхшы ресурсын сайлау өчен http://belem.ru/best_12_14 адресы буенча тавыш бирү битенә күчегез.

Тавыш бирер алдыннан сезне ресурслар белән танышып чыгарга, үз белемнәрегезне камилләштерергә тырышыгыз. Әлбәттә, ресурслар барысы да үзенә күрә сыйфатлы һәм файдалы. Әгәр күңелегезгә берничә ресурс хуш килсә, берьюлы берничә ресурс өчен тавыш бирергә мөмкин. Тавыш биргән вакытта гадел булырга тырышыгыз, тавыш бирүдә иң яхшы ресурс җиңеп чыксын дигән теләктә калабыз!

Ә инде ресурслар кабул итүгә килгәндә, аларны "Ресурслар кабул итү" битен файдаланып юллагыз. Истә тотыгыз, Сезнең хезмәтләр белән меңләгән кеше танышачак, ресурс юллаганда аның мөмкин кадәр сыйфатлы булуын тәэмин итәргә тырышыгыз. Яңа елда порталыбызда бары тик яхшы һәм сыйфатлы ресурслар гына урнаштырылсын һәм портал кулланучыларына файда китерсен!