Татар мәгарифе порталы
Сез монда
Россия Федерациясе Мәгариф һәм фән министрлыгы 2014 елда укытучылар өчен бөтенроссия федераль социаль челтәр ачмакчы. Проектның максаты – бөтенроссия укытучыларын бер электрон киңлектә берләштерү.
Моңдый социаль челтәрләр чит илләрдә инде кулланыла. Шулар ярдәмендә профессиональ берләшмә киләчәктә кертелергә тиешле законнар һәм башка проектлар әңгәмәсендә катнаша.
Россиядә дә укытучылар өчен виртуаль берләшмәләр бар – «Содружество методических объединений» (center.fio.ru), «Всероссийский интернет-педсовет» (pedsovet.alledu.ru), «Интернет — государство учителей» (www.intergu.ru) – бөтенесе бергә 40 лап сайт. Болар барысы да дәүләт проектлары түгел.
Укытучылар бер-берсе белән аралашыр өчен генә түгел, үзләренең уй-фикерләрен Мәгариф һәм фән министрлыгына җиткерә алсын өчен, бер бөтен мәйданчык булдырырга кирәк, дип уйлыйлар ведомствода.
Бүгенге көндә педагоглар өчен эшләп килә торган форумнар һәркем өчен ачык. Министрлык хәбәр итүенчә әлеге ясала торган социаль челтәр бары тик укытучылар өчен генә ачык булачак.
“Анда зур серләр турында фикер алышулар булмаячак. Үзеңнең һөнәри квалификацияңне дәлилләп теркәлә торган медиклар өчен махсус интернет-ресурслар бар бит, — ди төбәкара профсоюз рәистәше Андрей Демидов. — Бу махсус социаль челтәр укытучылардан башка беркемгә дә кызык булмаячак. Әгәр дә кемнең дә булса берәр информацияне сайт кысаларыннан чыгарасылары килсә, моны барыбер кем дә булса эшләячәк.”
Аралашудан тыш киләчәктә социаль челтәрдә “китапханә медиаүзәге” булдырылачак. Анда яңа “Мәгариф турында” канунындагы яңа нормативлар буенча мәгълүматлар, укытуга яңа таләпләр һәм аның яңа формалары урнаштырылачак. Шулай ук, сайт аша яңа уку методикасы әдәбиятын тарату һәм мәгариф прграммаларын төзүдә ярдәм күрсәтеләчәк дип көтелә (моның өчен киләсе елда берничә югары уку йорты һәм фәнни үзәкләр сайлап алыначак).
Чыганак: http://mon.tatarstan.ru/tat