Татар мәгарифе порталы
Сез монда
«Азатлык» татар яшьләре берлеге үз тырышлыгы белән Норлатта «Мин татарча сөйләшәм» акциясен уздырды. Бу чара мәктәп укучыларының милли үзаңын үстерү, үз телеңне белү, өйрәнү һәм дә ки яшь җырчылар белән танышуга юнәлдерелде.
Чара Нурлат шәһәренең үзәк мәдәният сараенда узды. Зал тутырып мәйтәп укучылары килгән иде. балалар катнашында узды. “Мин татарча сөйләшәм” концертында «Иттифак», «Либертас», Исмаил, «Ак юл», Илүсә Кәримова, «Idel coast», «Кыстыбый, Геннадий Макаров, Фәнил Гыйләҗев, Булат Ибраһим, Рифат Сәлах, «Axelle» катнашты. “Мин татарча сөйләшәм!” концерты вакытында күп уеннар уздырылды. Бүләк буларак 250дән артык татар китабы, 80-нән артык татарча стена календарьләре, татарча язулы 11 татар футболкасы, 200дән артык төрле татар гәҗитләре таратылды. Tatartime.com (Татар заманы), “Безнең гәҗит”, “Шәһри Казан”,” Уян-татар” онлайн интернет газеталары чараны үткәрүдә мәглүмати спонсор буларак катнашты. Татар футболкаларын ясаучы Алия Сафиуллина матди яктан ярдәм итте. Балалалар уеннарда бик актив уеннарда бик актив катнашты, җырчылар, шагыйрьләр көчле алкышлар белән каршыланды.
«Азатлык» Татар Яшьләре Берлегенең эчке эшләр буенча рәис урынбасары Альбина Әгъләмҗәнова укучыларны “Мин татарча сөйләшәм!” акциясенең максатлары белән таныштырды. Бу, беренче чиратта, балаларда милли үзаң үстерү, ныгыту, аларга татар альтернативасы аша, татарның иң алдынгы яшьләрен үрнәк итеп күрсәтеп, үз милләтең, мәдәниятең, тарихың белән кызыксыну уяту иде. «Азатлык» Татар Яшьләре Берлегенең тышкы эшләр буенча рәис урынбасары Рафыйк Каримуллин фикеренчә, балалар арасында милли чаралар оештыруның нәтиҗәсе зуррак. «Балалар әле бу дөньяга тулы рәвештә үз карашын булдырмаган, һәм нәкъ менә аларга үз халкыңа, телеңә мәхәббәт, ярату хисен тудыру, аны үстерү, милли үзаңны тәрбияләү җиңелрәк! Балаларның күңелләре саф, чиста, һәм без шул милли җанлы концерт аша, аларда татар милләтенә карата, татар теленә карата сөю хисе, татарлык белән горурлану хисе уятырга тырыштык», диде Рәфыйк Кәримуллин. Оешма активисты Гөлчәчәк Хисматова, үз чиратында «концертның бөек шагыйребез Габдулла Тукайның 125 еллыгына багышлануын, Тукай шигырьләре нең актуаль булуын әйтеп узды. Җыелган яшьләрне Тукай белән кызыксынырга чакырды.
Концертта Норлат администрациясе вәкилләре дә катнашты. Алар бу концерт өчен оештыручыларга зур рәхмәтләрен белдерде. Алга таба да бергә эшләргә тәгъдим итте. «Азатлык» Татар Яшьләре Берлеге рәисе Наил Нәбиуллин исә, үз чиратында, Норлат хакимиятенә зур рәхмәтен белдерде һәм «Азатлык» берлеге исеменнән Норлат районы башлыгына «Мин татарча сөйләшәм» футболкасын һәм Татарстан гербы төшерелгән зур чәйнек бүләк итте. Концерт бик җылы, милли җанлы мөхиттә үтте, 3 сәгатьтән артык дәвам итте. Яшьләр бик кәнәгать калдылар, йөзләрендә нур, елмаю иде. Концерт беткәч, яшьләр озак кына автографлар алып, фотоларга төшеп, катнашкан артистларны, активистларны җибәрми торды, тагын килергә чакырдылар.
Концерт «Татарлар килә!» җыры белән башланып, «Яшә татар» җыры белән тәмамланды.